Puguh Gé!

Barang rék nguyup kopi nu tinggal saparapatna, na ari gep téh gelas ngégél kana biwir luhur. Nyeri tur reuwas. Gelas di betot, tapi orokaya gelas beuki pageuh ngégélna. Lir gégép. Rék di betot deui sieun paragat biwir, antukna di antep gelas ngagantél. Kuring jejeritan.
Aya kana tilu menitna manéna ngagantung. antukna guprak gelas murag bari ngosom nagagayem biwir. Manéhna nyarita.
"Geuleuh tuda aing mah! Tikamari hantem we gejog deui, gejog deui kukopi. Geus reged kieu awak teu ngabeu cai. Ari pikmin teu hiji-hiji acan nu jadi!"
Pokna bari acleng-aclengan dina kibot, terus ngajleng asup kana monitor.